روانگەی بومەلەرزەی عێراق بڵاویکردەوە، سێ جار بومەلەرزە لە باشوری خۆرهەڵاتی خانەقین روویداوە.
ئەمرۆ چوارشەممە، روانگەی بومەلەرزەی عێراق راگەیەنراوێکی بڵاوکردەوە و تیایدا هاتووە، کاتژمێر ٣ و ٥ خولەک بومەلەرزەیەک بە گوڕی ٣.٢ پلە بە پێوەری رێختەر لە باشوری خۆرهەڵاتی خانەقینی داوە.
ئاماژەی بەوەشداوە،
لە کاتژمێر ٣ و ٣٢ خولەک بۆ جاری دووەم بومەلەرزەبەگوڕی ٣.٢ پلە بەپێوەری رێختەر لە هەمان ناوچە روویداوە.
راگەیەنراوەکە ئەوەشی
خستووەتەڕوو، لە کاتژمێر ٤ و ٢٩ خولەک لە
دووری ١٢ کیلۆمەتر بۆ جاری سێیەم و بە گوڕی ٣.٣ پلە بە پێوەری رێختەر بومەلەرزە لە
باشوری خۆر هەڵاتی خانەقینی داوە.
بومەلەرزە؛
رووداوێکی سروشتییە، بەهۆی جوڵانی پلێتەکانی ژێر زەوییەوە دروستدەبێت و لەسەر ئاستی
جیهان چەند چرکەیەک جارێک بومەلەرزە روودەدات، بەڵام ژمارەیەکی زۆر کەمیان ئەوەندە
بەهێزن کە هەستیان پێبکرێت.