سەردێڕ:

گردبوونەوەی مامۆستایانی وانەبێژ بەردەوامە

AM:10:18:13/10/2021

968 جار خوێندراوەتەوە

مامۆستایانی وانەبێژ بۆ جارێکی دیکە لە بەشێک لە شار و شارۆچکەکان گردبوونەوە و داوای دامەزراندن و موچەکانیان دەکەن.


مامۆستایەکی وانەبێژی بەشداربوو لە گردبوونەوەکە بە ئێن ئاڕ تی وت، داواکارم تەواوی مامۆستایان ھاوکارمان بن و لەگەڵ داواکارییەکانمان بن، چونکە ئەگەر مامۆستایانی وانەبێژ بایکۆتی ھۆڵەکان خوێندن بکەن "خوێندن پەکی دەکەوێت."

لە مانگی ٢ی ئەمساڵەوە بەپێى بەشە وانەکان شایستەى داراییان بۆ خەرج دەکرێت و ئەوەش نارەزایەتییەکى زۆرى لەلاى مامۆستایانى وانەبێژ دروستکردووە و بەشێک لە مامۆستایانى وانەبێژ وەکو نارەزایەتییەک خۆپیشاندانیان لەبەردەم پەروەردە جیاوازەکان و ئەنجومەنى وەزیران ئەنجامدا، بەڵام تا ئێستا هیچ بڕیارێک نەدراوە بۆ دامەزراندنیان.

لە هەرێمى کوردستان نزیکەى ٢٠ هەزار مامۆستای وانەبیژ هەیە کە ئەمانە دانەمەزراون و پێشتر حکومەتى هەرێم شایستەیەکى دیاریکراوى بۆ بڕیبوونەوە بەبڕى ٣٠٠ هەزار بۆ مامۆستایانى هەڵگرى بروانامەى بەکالۆریۆس و ٢٥٠ هەزار دینار بۆ هەڵگرانى بڕوانامەى دبلۆم.








گەلەری