سەرۆکی هەرێمی کوردستان رایگەیاند، عێراق و هه‌رێمى كوردستان له قۆناغێكى نوێدان و ئه‌نجامه‌كانى كۆتايى هه‌ر چۆن يه‌كلاببنه‌وه، هه‌مووان براوه‌ن.
نێچیرڤان بارزانی سەرۆکی هەرێمی کوردستان لە راگەیەنراوێکدا ئەوەی خستەڕوو، هه‌مووان ده‌بێت پێكه‌وه خۆیان بۆ ئه‌رك و به‌رپرسياريه‌تی هاوبه‌ش و ئاڵنگارییەکانى قۆناغى داهاتوو ئاماده‌بكه‌ن.
باسى لەوەشکردووە،
رێژه‌ى به‌شدارى له ده‌نگداندا په‌يامێكى روونى هاوڵاتييانه كه چاويان له ژيان
و گوزه‌ر‌ان و خزمه‌تگوزاريى زياتره و مافى خۆيانه و ئه‌مه بۆ هه‌موومان له حكومه‌ت
و هێز و لايه‌نه سياسييه‌كانى عێراق و هه‌رێمى كوردستان، ده‌بێت په‌ند و وانه‌يه‌ك
بێت بۆ پێداچوونه‌وه‌ى جدى و بنياتنانه‌وه‌ى متمانه، هه‌روه‌ها ببێته هانده‌رى
كار و خزمه‌تى زياتر.
لەلایەکى دیکەوە،
راوێژکارێکى سەرۆکى هەرێم رایگەیاند، لەگەڵ لایەنەکاندا لەسەر قۆناغى دواى هەڵبژاردنى
عێراق کۆدەبنەوە.
رۆژی یەکشەممە،
١٠ی تشرینى یەکەم دەنگدانی گشتی و رۆژی هەینی ٨ی ئەم مانگەش دەنگدانی تایبەت بۆ ھەڵبژاردنی
پێنجەمین خولی پەرلەمانی عێراق لە کاتژمێر ٧ی بەیانی دەستیپێکرد و تا ٦ی ئێوارە بەردەوامبوو.
دوای تەواوبوونی
هەردوو دەنگدانی (گشتی و تایبەت)، کۆمسیۆنی باڵای سەربەخۆی هەڵبژاردنەکانی عێراق
رایگەیاند، کە پرۆسەکە بەسەرکەوتوویی بەڕێوەچووە و ئەنجامی بەراوردکاری دەنگەکانی
دەستی و ئەلیکترۆنیدا، دەنگەکان هاوتابوون.