کۆمسیۆنی باڵای هەڵبژاردنەکانی عێراق ئەنجامی بەرایی پارێزگای سلێمانی بڵاوکردەوە و دەڵێت، جوڵانەوەی نەوەی نوێ لە پارێزگای سلێمانی پێنج کورسی بەدەستهێناوە و زۆرترین دەنگی پارێزگاکەی هەیە.
پاش نیوەڕۆی ئەمڕۆ، کۆمسیۆنى هەڵبژاردنەکان ئەنجامى دەنگدانى ١٠ پارێزگاى بڵاوکردەوە و بەپێی ئەو ئەنجامانەش جوڵانەوەى نەوەى نوێ لە هەولێر سێ کورسی لە کەرکوک یەک کورسی بە دەستهێنا و ئەنجامی دەنگەکانی سلێمانی بە جۆرێک بووە لە هەر بازنەیەک کاندیدێکی نەوەی نوێ دەرچووە.
بەپێی ئەنجامە
بەراییەکانی کۆمسیۆن دەنگی بازنەکانی سلێمانی بەم جۆرە
بووە:
بازنەی ١: رێبوار
ئەورەحمان وەستا ساڵح ١٢ هەزار و ٢٥٥ دەنگ، هاوکات، یادگار مەحمود کاندیدی پارتی، دارا حەمەئەحمەد
کاندیدی یەکگرتووی، نەرمین مەعرووف لە هاوپەیمانی کوردستان سەرکەوتوون.
بازنەی ٢: بەدریە
ئیبراهیم رەشید ١٩ هەزار و ٩٨ دەنگ، هاوکات، بڕیار رەشید و ئاسۆ فەرەیدوون کاندیدانی هاوپەیمانی
کوردستان کورسییان بەدەستهێناوە.
بازنەی ٣: ئاریان
عەزیز ئەحمەد ٩ هەزار و ٦٦ دەنگ، هاوکات، موسەننا ئەمین کاندیدی یەکگرتووی ئیسلامی، چرۆ حەمەشەریف
کاندیدی هاوپەیمانی کوردستان سەرکەوتوون.
بازنەی ٤: سروە
عەبدولواحید قادر ٢٢ هەزار و ٦٣٤ دەنگ، هاوکات، سۆران عومەر کاندیدی کۆمەڵی دادگەریی، غەریب ئەحمەد
کاندیدی هاوپەیمانی کوردستان سەرکەوتوون.
بازنەی ٥: مۆفەق
حسێن قادر ١٤ هەزار و ٥٦٧ دەنگ، هاوکات، شوان محەمەد کاندیدی پارتی و سروە محەمەد و
کاروان عەلی یاروەیس کاندیدانی هاوپەیمانی کوردستان سەرکەوتوو بوون.
هەر بەپێی ئەنجامەکانى
کۆمسیۆن، نەوەی نوی دەنگی یەکەمی پارێزگای سلێمانی بەدەستهێناوە و لە هەولێریش
پارتی یەکەمە و نەوەی نوێ دووەمە، بە جۆرێک لە بازنەی دووی هەولێر وەزیرە ئەحمەد
کاندیدی نەوەی نوێ پلەی یەکەمی بەدەستهێناوە.
هاوکات، بەپێی
داتاکانى کۆمسیۆن، لە کۆی ٩ بازنەی هەولێر و سلێمانی، کاندیدانی نەوەی نوێ لە شەش
بازنە یەکەمن.
دوێنێ یەکشەممە،
١٠ی تشرینى یەکەم دەنگدانی گشتی و رۆژی هەینی ٨ی ئەم مانگەش دەنگدانی تایبەت بۆ ھەڵبژاردنی
پێنجەمین خولی پەرلەمانی عێراق لە کاتژمێر ٧ی بەیانی دەستیپێکرد و تا ٦ی ئێوارە بەردەوامبوو.
دوای تەواوبوونی
هەردوو دەنگدانی (گشتی و تایبەت)، کۆمسیۆنی باڵای سەربەخۆی هەڵبژاردنەکانی عێراق
رایگەیاند، کە پرۆسەکە بەسەرکەوتوویی بەڕێوەچووە و ئەنجامی بەراوردکاری دەنگەکانی
دەستی و ئەلیکترۆنیدا، دەنگەکان هاوتابوون.