بەهۆی لافاو و زریانەوە نزیکەى دوو ملیۆن کەس لە باکوری چین زیانیان بەرکەوت و ئاوارەبوون.
میدیاکانى چین بڵاویانکردەوە، بەهۆی بارانی زۆر و دروستبوونى لافاو و زریانەوە زیان بە ١٧ هەزار ماڵ گەیشتووە و ئەوە جگە لە زیانگەیشتن بە نزیکەى ٢٠٠ هەزار هێکتار زەوی کشتوکاڵی.
ئاماژە بەوەشکراوە،
بەهۆی بەردەوامی بارانی بەخوڕ و هەورە بروسکەوە تیمەکانى فریاگوزاری لە هەرێمی
شانشی لە باکوری چین ئاستەنگییان بۆ دروست بووە.
هاوکات دەسەڵاتدارانى
ئەو وڵاتە بڕى نزیکەى هەشت ملیۆن دۆلاریان بۆ هاوکارى لێقەوماوان و رووبەڕووبوونەوەى
کارەساتەکە تەرخانکردووە.
ئەوەش لەکاتێکدایە
لە مانگی ئابی ئەمساڵدا بەهۆی زریان و لافاو لە هەرێمی هینان لە ناوەندی چین، ٣٠٠
کەس گیانیان لەدەستدا.