سەردێڕ:

بە ٦٧٠ كیلۆگرام حه‌ریرو ١٢٠ کیلۆ ئاڵتونەوە بەرگێکی نوێ بە بەری کەعبەدا کرا

AM:11:52:19/07/2021

22488 جار خوێندراوەتەوە

ئەمڕۆ دووشەممە، وەک ئامادەکارییەک بۆ حەجی نوێی ئەمساڵ، بەرگێکی نوێ بە بەری کەعبەدا کرا.


سه‌رۆكایه‌تی كاروباری مزگه‌وتی حه‌رام و نه‌به‌وی له‌ سعودیه‌ رایگه‌یاند، :"وه‌كو نه‌ریتێكی ساڵانه‌ مه‌راسیمی گۆڕینی به‌رگی كه‌عبه‌مان به‌سه‌ر په‌رشتی تیمێكی راهێنراوی سعودی ئه‌نجدام دا.

بەوتەی بەرپرسانی سعودیە به‌رگی نوێی كه‌عبه ٦٧٠ كیلۆگرام حه‌ریری تێدا به‌كارهاتووه‌، ژماره‌ی پارچه‌كانی پشتێنی كه‌عبه‌ ١٦ پارچه‌یه‌، له‌گه‌ڵ ٧ پارچه‌ له‌ خوارووی به‌رگه‌كه‌ و ٤ نه‌خشی دیكه‌‌ له‌ گۆشه‌كانی كه‌عبه‌یه‌، و چەند پارچەیەکی دیکەی تایبەت بەدەرگاو بەردە رەشەکەو روکن یەمانی.

به‌رگی نوێی كه‌عبه‌ ١٢٠ كیلۆگرام زێڕی تێدا به‌كارهاتووەو ١٠٠ تاڵی زیو، ٢٠٠ کەسیش بەشداریان لەدرووستکردنیدا کردووە.

ئەمە لەکاتێکدایە، بەرەبەیانی ئەمڕۆ شەست هەزار حاجی بەرەو عەرەفات بەرێکەوتن بە مەبەستی ئەنجامدانی مەراسیمی حەجی ئەمساڵ.

No description available.







گەلەری