AM:08:20:09/10/2021
4548 جار خوێندراوەتەوە
لە بەرەبەیانى ئەمڕۆ شەممەوە بانگەشەى لایەنەکان بۆ هەڵبژاردنى ئەنجومەنى نوێنەرانى عێراق راگیرا و سبەینێ یەکشەممە دەنگدانى گشتى بەڕێوەدەچێت.
ئەمڕۆ شەممە، بانگەشەى لایەنەکان بۆ هەڵبژاردنى ئەنجومەنى نوێنەرانى عێراق راگیرا و لەمڕۆوە رێگە نادرێت بە پارتە سیاسیى و هاوپەیمانێتییەکان کە بانگەشە بۆ کاندیدەکانیان بکەن.
لە هەڵبژاردنەکەدا کاندیدەکان کێبەڕکێ دەکەن لەسەر بەدەستهێنانى ٣٢٩
کورسى پەرلەمانى عێراق کە لەو رێژەیە ٨٣ کورسى بەگوێرەى سیستمى کۆتا بۆ کاندیدانى
ژنە و نۆ کورسى تریش بۆ پێکهاتەکانى مەسیحى و شەبەک و سائیبە و ئێزیدى و کوردى
فەیلییە.
دوێنێ هەینى دەنگدانى تایبەت بەڕێوەچوو و لەکۆتایى پڕۆسەکەشدا
کۆمسیۆنى باڵاى سەربەخۆى هەڵبژاردنەکانى عێراق رایگەیاند "رێژەى بەشداریکردن
لە دەنگدانى تایبەت بریتى بووە لە ٦٩% و لە یەک ملیۆن و سەدونەوت و شەش هەزار و
پێنجسەد و بیست و چوار دەنگدەر، هەشتسەد و بیست و یەک هەزار و هەشتسەد دەنگدەر
بەشدارییان کردووە.