بەگوێرەی وەزارەتی كارەبای هەرێم، لە رۆژی هەینییەوە تا رۆژی دووشەممە کارەبای بەردەوام بۆ هاوڵاتییان دابین دەکەن.
وەزارەتی كارەبای هەرێم رایگەیاند، "لەپێناو سەرخستنی پرۆسەی هەڵبژاردن و دابینكردنی كارەبای بەردەوام بۆ هاوڵاتییان و بنكەكانی دەنگدان و ئۆفیسەكانی كۆمسیۆن، تەواویی تواناكانی دەخاتەگەڕ بۆ دابینكردنی كارەبایەكی بەردەوام لە رۆژی هەینی تا رۆژی دووشەممە."
ئاماژەی بەوەشکردووە، لەپێناو نەبچڕانی كارەبا و سەلامەتی
كارمەندانی كارەبا كاركردن لە پرۆژەی بەستنی پێوەری زیرەک لەو ماوەیەدا رادەگیرێت.
ساڵانە، لەکاتی وەرزەکانی سەرما و گەرمادا، بڕی پێدانی
کاتژمێرەکانی کارەبا لەهەرێمی کوردستان بەرەو کەمبوونەوەیەکی بەرچاو دەڕوات، بەڵام
لەگەڵ هاتنی وەرزەکانی پایز و بەهاردا بەهۆی ئەوەی هاوڵاتییان کار بە ئامێرەکانی
فێنککەرەوە و گەرمکەرەوە ناکەن ئاستی کارەباکە گۆڕانکاری تیادا دەکرێت و تاڕادەیەک
باشتر دەبێت.
هاوکات، بە تێپەڕبوونی چەندین کابینەی حکومەتی هەرێم و
پاش چەندین بەڵێن بۆ چاککردنی، هێشتا پرۆسەی پێدانی کارەبای نیشتیمانی بە هاوڵاتییانی
هەرێم لەئاست داواکارییەکانیاندا نییە.