دەروازەی نێودەوڵەتی باشماخ بڕیاریدا، لە کاتژمێر ٩ی شەوی شەممە تا کاتژمێر ٦ی بەیانی رۆژی دووشەمە هاتوچۆ لە دەروازەکەیاندا دەوەستێت.
دەروازەی نێودەوڵەتی باشماخ رایگەیاند، "گەشتیاران و بازرگانان و شۆفێران ئاگاداردەکەینەوە بەهۆی بەڕێوەچوونی هەڵبژاردنەکانی پەرلەمانی عێراقەوە لە کاتژمێر (٩)ی شەوی شەممە تا کاتژمێر (٦)ی بەیانی رۆژی دووشەمە هەموو جموجوڵێکی هاتن ــ رۆشتنی دەوەستێت."
ئاماژەی بەوەشکردووە، پێویستە سەرجەم هاوڵاتییان و خاوەنی
ئۆتۆمبێلی بارهەڵگرەکان و گەشتیاران و بازرگانان ئاگاداربن کە لەو کاتەدا لە
دەروازەکەدا هاتوچۆ ناکرێت.
بڕیارە رۆژی ١٠ی تشرینی یەکەمی ئەمساڵ، هەڵبژاردنی پێشوەختە
لەسەرانسەری عێراق ئەنجامبدرێت و تیایدا، هەر سێ سەرۆکایەتییەکەش جەخت لە بەڕێوەچوونی
هەڵبژاردنێکی پاک و بێگەرد دەکەنەوە.
هەفتەی رابردوو، تایبەت بە رێکارەکانی بەڕێوەچوونی پرۆسەی
هەڵبژاردنی پێشوەختەی پەرلەمانی عێراقیش، وەزارەتی ناوخۆی عێراق چەند بڕیارێکی دەکرد
و تیایدا، تەواوی دەروازەی هاتوچۆی پارێزگاکان و دەروازە سنورییەکان دادەخرێن.