PM:04:41:07/10/2021
7888 جار خوێندراوەتەوە
ئەمڕۆ پەرلەمانی عێراق هەڵوەشایەوە و بەپێی راپۆرتێکیش لە سێ ساڵدا پەرلەمانی عێراق ١٤٩ جار کۆبووەتەوە و ٩٢ یاسای پەسەند کردووە.
ئەمڕۆ پێنجشەممە، خولی چوارەمی پەرلەمانی عێراق هەڵوەشایەوە، ئەوەش بەر لەوەی ماوەی یاسایی خۆی تەواو بکات، لەگەڵ هەڵوەشانەوەشیدا کۆتایی بە ئەندامێتی ئەندامەکانی پەرلەمان هات و کارەکانیان کۆتاییهات.
هاوکات، روانگەی پەرلەمانی عێراق لە راپۆرتێکدا باسی لەوەکردووە،
پەرلەمانی عێراق لە خولی چوارەمدا کە ماوەی سێ ساڵ بوو، ١٤٩ جار کۆبووەتەوە و ٩٢ یاسای
پەسەند کردووە.
ئاماژە بەوەشکراوە، لەو سێ ساڵەدا ٥٧ پەرلەمانتار نە بە
قسەکردن و نە بە گفتوگۆ هیچ بەشدارییەکیان نەکردووە، کە ١٣ پەرلەمانتاریان نوێنەرانی
خەڵکی هەرێمی کوردستان بوون.
