PM:09:00:06/10/2021
10068 جار خوێندراوەتەوە
لە کۆبوونەوەى ئەنجومەنى زانکۆى سلێمانیدا وادەى دەستپێکردنى خوێندن بەشێوەى خوێندنى ناو کەمپەس دیارى کرا و لەبارەى بەشە ناوخۆییەکانیش بڕیاردرا.
زانکۆى سلێمانى لە راگەیەندراوێکدا ئاماژەى بەوە کرد "لە کۆبوونەوەى ئەمڕۆى ئەنجومەنەکەدا بەکۆى دەنگ بڕیاردرا بە دەستپێکردنی پڕۆسەی خوێندنی خوێندکارانی زانکۆی سلێمانی بۆ ساڵی خوێندنی (٢٠٢١-٢٠٢٢) بەشێوەی خوێندنی ناو کەمپەس لە ڕێکەوتی (١٦-١٠-٢٠٢١) ەوە بەپێی خشتەی وانەکان لە کۆلێجەکانیان.
ئاماژە بەوەش کراوە "ھاوکات لە درێژەی کۆبوونەوەکەدا و لەپێناو کەمکردنەوەی
ئەگەری توشبوون بە ڤایرۆسی کۆرۆنا لەناو ھەزاران خوێندکاری نیشتەجێبووی بەشەناوخۆییەکاندا
وبەردەوامی پرۆسەی خوێندن بەسەرکەوتوویی لەناو کەمپەسدا وڕێگریکردن لەھەر ئەگەرێکی
نەخوازراو وەک قۆناغی یەکەم بریاردرا بە: کردنەوەی بەشەناوخۆییەکان لەڕێکەوتی
(١٦-١٠-٢٠٢١)ەوە بەڕووی خوێندکاراندا بەو مەرجە دەبێت ؛کە خوێندکار ڤاکسینی کۆرۆنای
وەرگرتبێت بەڕەچاوکردنی ڕێکارە تەندروستییەکان وھەڵگری (کارتی کوتانی کۆڤید-١٩) بێت.
ئەوەش روونکراوەتەوە، ھەر بۆ ئەو مەبەستە وەک ئاسانکارییەک لە ڕێکەوتی
(١٢-١٠-٢٠٢١)ەوە ئەو خوێندکارانەی بەشەناوخۆییەکان کە تا ئێستا ھیچ ژەمێکی ڤاکسینیان
وەرنەگرتووە دەتوانن بەپێی ئەو خشتەیەی لەلایەن بەرێوەبەرایەتی بەشەناوخۆییەکانەوە
گشتاندنی پێدەکرێت سەردانی مەڵبەندی تەندروستی زانکۆ لە کەمپی نوێی زانکۆی سلێمانی
بکەن ؛ یان سەردانی ھەر سەنتەرێکی تری تایبەت بەپێدانی ڤاکسینی کۆرۆنا بکەن.
