سەردێڕ:

هۆکاری وەستانی فەیسبوک چی بووە؟

PM:08:41:04/10/2021

66452 جار خوێندراوەتەوە

پاش ئەوەی سەر لەئێوارەی ئەمڕۆ هەریەکە لە تۆڕە کۆمەڵایەتییەکانی فەیسبوک و ئینستاگرام وەستان، رۆژنامەی نیویۆرک تایمزی ئەمریکی لە زاری تیمی ئاسایشی فەیسبوکەوە بڵاویکردەوە، "هێرشی هاککردن نەکراوەتەسەر فەیسبوک، بەام ئەپڵیکەیشنەکە وەستاوە و لە هەوڵی چارەسەری کێشەکەدان."


رۆژنامەی نیو یۆرک تایمزی ئەمریکی بڵاویکردەوە، دوو ئەندامی تیمی ئاسایشی فەیسبوک کە نەیانویستووە ناوەکانیان ئاشکرابکرێت رایانگەیاندووە، "لەکارکەوتنی ئەپڵیکەیشنەکە بۆ هێرشی ئەلیکترۆنیی و هاککردن ناگەڕێتەوە، هاوکات بەهۆی تەکنۆلژیاکانی ئەپڵیکەیشنەکەشەوە، بەیەکجاری ئەپڵیکەیشنەکە لەکارنەکەوتووە".

لەلایەکی تریشەوە، ئاندی ستۆن وتەبێژی فەیسبوک لەپێگەی فەرمی خۆی لە تویتەر بڵاویکردەوە، "ئێمە ئاگاداری کێشەکەین و لەهەوڵی بەردەوامداین بۆ ئەوەی بەخێرایی کێشەکە چارەسەر ببێت". وتیشی، "داوای لێبوردن دەکەین بەهۆی راوەستانی ئەپڵیکەیشنەکەوە".

هاوکات، تیمی پەیوەندییەکانی ناوخۆی فەیسبوکیش لەکارەکانیان وەستان و زۆرێک لەکارمەندەکانیان لەشوێنی کارەکانیان بەبێ ئیشکردن چاوەڕوانیان دەکرد، دوو کارمەندیش بە میدیاکانیان وتووە، "ئەمڕۆ وەک ئەو رۆژانەیە کە بەفر دەبارێت و ناتوانین کار بکەین".

لەوبارەیەشەوە، ماڵپەڕی رۆیتەرز بڵاویکردەوە، "هەژماری تۆڕەکانی فەیسبوک و ئینستاگرامی هەزاران کەس لەکارکردن وەستاوە و هێشتاش کۆمپانیای فەیسبوک هۆکاری وەستانەکەی روون نەکردووەتەوە".

کاتژمێر ٦:٥٠ خولەکی ئەم ئێوارەیەوە بەشێک لە تۆڕەکۆمەڵایەتییە جیهانییەکان لەکارکەوتوون و لەناویشیاندا فەیسبووک و واتس ئەپ و ئینستاگرام بوونی هەیە.

 
نـ، غـ







گەلەری