سەردێڕ:

گروپەکەی گۆڤەند دەستگیرکرا

PM:06:17:04/10/2021

29552 جار خوێندراوەتەوە

هێزە ئەمنییەکانی هەرێمی کوردستان دانپێدانانی گرووپێكی لەژێر ناوی (CTS) بڵاوکردەوە کە بە سەرپەرشتی کەسێك بە ناوی گۆڤەند ناسراون و لەماوەی رابردوودا چەندین کاری نەشیاو و ڤیدیۆی نەشیاویان بە کوڕ و کچی گەنج ئەنجامدەدا.


ئەو گروپە کە کاریان بریتی بوو لە دروستکردنی تۆڕی بەرفراوان و مەترسیدار لە تۆڕە کۆمەڵایەتییەکان بۆ خەڵەتاندنی گەنجانی شارەکانی هەرێمی کوردستان.

وەک لە ڤیدیۆی دانپێدانانەکەدا دەردەکەوێت، چەند کەسێکی قوربانی کەیسەکە و بەشدار لە کەیسەکەدا دان بە کارکردن لەگەڵ گۆڤەنددا دەنێن و باس لەوە دەکەن، کە کاریان بۆ گۆڤەند کردووە و ڤیدیۆی نەشیاوی گەنجەکانی دیکەیان بۆ گۆڤەند پەیدا کردووە وناردووە.

ئەو کەسانە دان بەوەدا دەنێن، کە گۆڤەند لەرێگای ئەو ڤیدیۆ نەشیاوانەوە هەڕەشەی لە کوڕ و کچانی دیکە کردووە و پارەی لێوەرگرتوون، یاخود ڤیدیۆی پێتۆمارکردوون.

لە کۆتایی مانگی ئابی رابردوودا، ژمارەیەک گەنجی کورد ڤیدیۆیەکیان بڵاودەکردەوە و ناویان لێنابوو پەشیمان بوونەوە، لە بەرامبەر گەنجێکی کورد بەناوی (گۆڤەند).

لە گرتە ڤیدیۆیەکاندا کچان و کوڕان پەشیمانىیان دەردەبڕی و وەک دەیانوت، بەرامبەر بەو کارەى کردوویانە و دووبارەی ناکەنەوە، لەگەڵ دەربڕینى هەندێک وشەى نەشیاو لەکاتى پەشیمان دەربرینەکەیاندا.لەسەر ئەوە بابەتەش ئێن ئاڕ تى راپۆرتێکی بڵاوکردەوە و دواتر دەستەی مافی مرۆڤ وتی، کە لێکۆڵینەوەکانیان دەستپێدەکەن.

وەک لە سەرەتادا زانرا، گۆڤەند تەنها کەسێک نەبوو، بەڵکو لەژێر ئەو ناوەدا چەند کەسێک هاوشێوەی باندێک کاریان کردووە و زیاتر لە ٢٠ کوڕ و کچی گەنج لە تۆڕی کۆمەڵایەتی کڵەب هاوس کەوتونەتە داویان.

باندەکە جگە لە بڵاوکردنەوەی وێنە و ڤیدیۆ هەزاران دۆلاریان لە کچان و ژنان سەندووە.








گەلەری