دەستەی کەشناسی رایگەیاند، رۆژی هەینی و رۆژانی دواتر ئاسمان ساماڵ دەبێت و پلەکانی گەرما بەجێگریی دەمێننەوە.
ئەمڕۆ دووشەممە، دەستەی کەشناسی عێراق رایگەیاند، سبەینێ ئاسمان ساماڵ دەبێت و پلەکانی گەرما لەناوچەکانی باکور و ناوەڕاستی وڵات کەمێك دابەزین بەخۆیانەوە دەبینن و پلەی گەرما لە بەغدای پایتەخت ٣٦ پلە تۆمار دەکات و لە بەسرە و زیقار و دیوانیە ٣٨ پلەی سیلیزی دەبێت و لەچەند ناوچەیەك خۆڵبارین روودەدات.
بەگوێرەى راگەیەندراوى دەستەکە، رۆژی چوارشەممەش بەهەمان شێوە ئاسمان
ساماڵ دەبێت و پلەکانی گەرما جێگیردەبن.
ئەوەشی خستوتەڕوو، رۆژی پێنجشەممە خۆڵبارینێکی کەم بەخۆیەوە دەبینێت و
لەناوچەکانی باکور و ناوەڕاستدا بایەکی مامناوەند هەڵدەکات.
راشیگەیاندووە، لە رۆژی هەینی و رۆژانی دواتردا ئاسمان ساماڵ دەبێت و
پلەکانی گەرما بەجێگیرى دەمێننەوە.