سەردێڕ:

ئەمڕۆ موچەی ئەم شوێنانە دابەش دەکرێت

AM:08:47:04/10/2021

12876 جار خوێندراوەتەوە

لە ئێستادا دابەشکردنی موچە بەردەوامی هەیە و بەگوێرەی وەزارەتى دارایى هەرێم، ئەمڕۆ موچەی سێ شوێن دابەش دەکرێت.


وەزارەتى دارایى هەرێمى کوردستان راگەیاند، "ئەمڕۆ دووشەممە موچەی ئەنجومەنی ئاسایش، دەزگای ئاسایش و خانەنشینی پێشمەرگە دابەشدەکرێت."

لە ماوەی رابردوودا، حکومەتی هەرێم وتبووی، لە ٢٥ی هەموو مانگێکدا دەست بە دابەشکردنی موچە دەکەن و هەفتەیەک دەخایەنێت، بەڵام ئەم مانگە دابەشکردنی موچە تا ئێستاش بەردەوامە سەرەڕای تەواوبوونی هەفتەکە.

سەرەڕای ئەوەی ماوەی چەند مانگێک بوو داهاتەکانی حکومەتی هەرێم بەردەوام لە زیادبووندابوون و بەشی دابەشکردنی موچەی دەکرد بەبێ لێبڕین، بەڵام دوو مانگی بەر لە ئێستا، کاتێک بەغدا بڕی ٢٠٠ ملیار دیناری بۆ هەرێم نارد و هیچ بیانوویەک نەمایەوە بۆ بەردەوامیدان پێی، بڕیاردرا بێ لێبڕین موچە دابەشبکرێت تا ئەو کاتەی بەغدا لە ناردنی ئەو بڕە پارەیە بەردەوام بێت.








گەلەری