PM:09:16:03/10/2021
29408 جار خوێندراوەتەوە
بەگوێرەی زانیارییەکانی پەیامنێری ئێن ئاڕ تی، لە رێگای عوزیم لە نێوان خورماتوو – دیالە، چەكدارانی داعش و سوپای عێراق روبەڕوی یەکتربوونەتەوە و تا ئێستاش شەڕ بەردەوامە و ئەو رێگایە داخراوە، دەشڵێت، سەربازێکی سوپای عێراق كوژراوە و سەربازێكی تریش بریندارە.
بڕیار جاف پەیامنێری ئێن ئاڕ تی رایگەیاند، چەكدارانی داعش و سوپای عێراق لە رێگای عوزیم لە نێوان خورماتوو – دیالە روبەروی یەكبوونەتەوە و تا ئێستاش شەڕ بەردەوامە.
ئاماژەی بەوەشکردووە، بەهۆی روبەڕوبوونەوەکانەوە تا ئێستا
ئەو رێگایە داخراوە، دەشڵێت، تا ئێستا سەربازێکی سوپای عێراق كوژراوە و سەربازیكی
تریش بریندارە.
گروپی چەکداری داعش لە ساڵی ٢٠١٤ توانییان دەست بەسەر روبەرێکی
فراوان لە خاکی سوریا و عێراقدا بگرن، دواتر بە هاوکاری ئەمریکا و هاوپەیمانی نێودەوڵەتی
دژی داعش لە ساڵی ٢٠١٧ حکومەتی عێراق شکستپێهێنانی گروپەکەی لە خاکی عێراق راگەیاند،
بەڵام تا ئێستاش جموجوڵی شانە نوستووەکانی گروپەکە لە چەند ناوچەکە بەردەوامی هەیە.