پەیکى نەتەوە یەکگرتووەکان لە عێراق ڕایگەیاند، ٨٠٠ چاودێری نێودەوڵەتیی بەشداریی دەکەن لە چاودێریکردنی هەڵبژاردنەکانی عێراقدا.
جنین پلاسخارت، پەیکى نەتەوەیەکگرتووەکان لە عێراق ئاماژەی بەوە کرد، هەڵبژاردنەکان بۆ عێراق گرنگن و هەنگاوی یەکەمە بەرەو ئاسۆیەکی درێژ.
وتیشی "پێویستە هەڵبژاردنەکان بە ڕێگەیەکی
پاک و بێگەرد بەڕێوەبچن و هیواشی خواست پرۆسەکە بە ئارامی بەڕێوەبچێت".
ئەوەشى خستەڕوو، ڕۆڵی ئەم پەیکەى نەتەوە یەکگرتووەکان
لە پەیکەکانى پێشووتر جیاوازترە و ئەمجارە یارمەتی تەکنیکی گەورە پێشکەش بە کۆمسیۆنی
هەڵبژاردنەکان و لایەنە پەیوەندیدارەکان دەکەن و لە ڕۆژی هەڵبژاردنیشدا ژمارەیەکی
زۆر چاودێر لە لایەن نەتەوە یەکگرتووەکان و یەکێتی ئەوروپاوە دادەنێن کە چاودێریی
تەواوى پرۆسەکە دەکەن.
پەیکى تایبەتی نەتەوە یەکگرتووەکان لە عێراق
باسی لەوەشکرد، دەنگی دەنگدەر بەهای خۆی هەیە و هەڵبژاردنێکی پاک و بێگەرد یەکەم هەنگاوە
بەرەو عێراقێک کە بتوانێت خزمەت بە هاوڵاتیانی بکات.