سەردێڕ:

پۆلیسی فەڕەنسا تەقە لە ژمارەیەک کۆچبەری کورد کرد

PM:11:45:02/10/2021

8012 جار خوێندراوەتەوە

بەگوێرەی رۆژنامەی دەیلی مەیلی بەریتانی، پۆلیسی فەڕەنسا تەقەی لە ژمارەیەک کۆچبەری کورد کردووە، لەو کاتەی هەوڵیانداوە بە نایاسایی بپەڕنەوە بۆ بەریتانیا بەهۆیەوە دوو کۆچبەر برینداربوون و رەوانەى نەخۆشخانە کراون.


رۆژنامەی دەیلی مەیلی بەریتانی بڵاویکردەوە، پۆلیسی فەڕەنسا لە شاری دانکورکی فەڕەنسی بە گوللـەی پلاستیکی تەقەیان لە هەشت کۆچبەرە کوردى رۆژهەڵات کردووە کە بەلەمێکیان بەرەو دەریاکە هەڵگرتووە و ویستویانە بپەڕنەوە.

ئاماژە بەوەشکردووە، لە ئەنجامی تەقەکردنەکەدا، دوو لەو کۆچبەرە کوردانە برینداربوون و گوێزرانەوە بۆ نەخۆشخانە.

ئەوەش خراوەتەڕوو، ئەو بەلەمە بڕیاربووە ٤٠ کۆچبەر لە رێگەی ئەو بەلەمەوە لە فەڕەنساوە بگوازنەوە بۆ بەریتانیا.

لە ئێستادا دۆخى کۆچبەران لە سەرجەم رێگاکانى کۆچدا بەرەو ئەوروپا خراپە و بەشێکیشیان لە سنورەکانى نێوان وڵاتانى ئەوروپادا گیریان خواردووە.








گەلەری