سەردێڕ:

لە وڵاتێکی دراوسێی عێراق بەهۆی لافاوەوە پێنج کەس گیانیانلەدەستدا

PM:02:27:18/07/2021

7284 جار خوێندراوەتەوە

به‌گوێرەی زانیارییه‌ سەرەتاییەکان، لەئەنجامی ئەو باران بارینەی ئێران کە ژمارەیەک ناوچەی گرتووەتەوە و لافاو هەستاوە، پێنج كه‌س گیانیان له‌ده‌ستداوه‌.


مه‌هدی وه‌لیپور، سه‌رۆكی دامه‌زراوه‌ی فریاگوزاری و هاوكاری مانگی سووری ئێران، به‌ ماڵپەڕی Eghtesadonlineی رايگه‌یاند‌، به‌هۆی ئه‌و بارانه‌ به‌خوڕه‌ی کە ماوه‌ی چوار رۆژە ناوه‌ڕاستی باكووری رۆژئاوا و باشووری رۆژهه‌ڵاتی ئێرانی گرتووه‌ته‌وه‌، لافاو له‌ پارێزگاكانی ئازه‌ربایجانی رۆژهه‌ڵات، ئازه‌ربایجانی رۆژئاوا، ئه‌لبۆرز، كرمان، فارس، سێستان و به‌لۆچستان، سیمنان، مازه‌نده‌ران، هورموزگان و كوردستان رووی داوه‌.

ئاماژەی بەوەشدا، له‌ ئەنجامی لافاوەکەوە پێنج كه‌س كه‌ گیریان خواردبوو و كه‌سێكی دیكه‌یش به‌هۆی به‌ركه‌وتنی هه‌وره‌بروسكه‌ گیانیان له‌ده‌ستداوه‌ و هه‌وڵه‌كانیش به‌رده‌وامن بۆ دۆزینه‌وه‌ی دوو كه‌سی دیكه‌.

ئەمە لەکاتێکدایە، چەند رۆژێکە لافاو رووی لە ئەڵمانیاش کردووە و بەهۆیەوە تائێستا زیتر لە ١٥٠ کەس گیانیان لەدەستداوە و زیاتر لە ٦٧٠کەسی دیکەش برینداربوون و سەدانی تر بێ سەروشوێن بوون.







گەلەری