سەردێڕ:

بۆ ئەوەی مۆبایلە ئایفۆنەکەت نەسوتێت ئەم هەڵانە مەکە

PM:04:49:30/09/2021

11144 جار خوێندراوەتەوە

مۆبایلی ئایفۆن یەکێکە لە ئامێرە پارێزراوەکانی کۆمپانیای ئەپڵ، بەڵام هەندێک هەڵە کە بەکارهێنەرانی ئەو ئامێرانە دەیکەن زیان بە مۆبایلەکانیان دەگەیەنێت و دەبێتەهۆی سوتانی.


ماڵپەڕی زە سەنی بەریتانی کۆمەڵێک هەڵەی خستووەتە ڕوو کە بەکارهێنەرانی ئایفۆن بەرامبەر مۆبایلە گرانبەهاکانیان دەیکەن و هۆکار دەبن بۆ سوتانی، ئەوانیش:

یەکەم: دوربکەونەوە لە بەکارهێنانی شەحنی سێ دەمی یان شەحنی مۆبایلی تر کە زیان بە پاتری مۆبایلەکە دەگەیەنێت و لە تەمەنی کورت دەکاتەوە، ئایفۆن شەحن و وایەر و کێبڵی تایبەت بەخۆی هەیە و بەکاریبهێنە.

دووەم: کێبڵ یاخود وایەری کۆن و خراپ بەکارمەهێنە، یان ئەو شوێنەی مۆبایلەکەی لێ بارگاوی دەکەیتەوە دڵنیابە کە شێی نییە و نابێتە هۆی شۆرتی کارەبا.

سێیەم: هەرگیز خۆت پاتری مۆبایلەکەت دەرمەهێنە و خۆت دەستکاری مەکە، چونکە پلەی گەرمی مۆبایلەکە بەرز دەکاتەوە و دەسوتێت.

چوارەم: هەرگیز لە تەنیشت مۆبایلە ئایفۆنەکەتەوە مەخەوە بەتایبەت کاتێک بارگاوی دەکەیتەوە، ئەگەری دروستبوونی تەزووی کارەبا و گڕگرتنی دەبێت.

ئ.ل

 








گەلەری