PM:08:15:29/09/2021
5712 جار خوێندراوەتەوە
وەزارەتی سەرچاوە ئاوییەکانی عێراق ڕایگەیاند، شاندی حکومەت لەسەر پرسی ئاو و پشکی عێراق، لەگەڵ ئێران و تورکیا لە گفتوگۆدایە.
عەلی سامر وتەبێژی وەزارەتی سەرچاوە ئاوییەکانی عێراق بە ئاژانسی هەواڵی عێراقی ڕاگەیاندووە، لە سەردانەکەی سەرۆک وەزیرانی عێراق و وەزیری سەرچاوە ئاوییەکانی عێراق بۆ ئێران چەند پرسێک تاوتوێ کراون، لەوانە پرسی وزە و ئاو و دابینکردنی پشکی عێراق.
ئاماژەی بەوەش کرد، شاندی عێراق لەگەڵ هەریەکە لە وڵاتانی ئێران و
تورکیا هەوڵی گفتوگۆ دەدەن بۆ دابینکردنی پشک و مافەکانی عێراق لە ئاوی سەر زەوی.
ئەمەش لەکاتێکدایە، زیاتر لە لەسەدا ٩٠ی سەرچاوەی ئاوی سەر زەوی عێراق
لە دەرەوەی ئەو وڵاتەدایە و ساڵانەش کێشەى کەمئاوى بەتایبەت لە وەرزى هاویندا روودەدات.