AM:08:34:27/09/2021
6264 جار خوێندراوەتەوە
شەپۆلەکانى دەریا رێڕەوى کۆچى چەند کۆچبەرێکى کورد دەگۆڕێت و لەبرى گەیاندنیان بە وڵاتى ئیتاڵیا لە وڵاتى لیبیا دەگیرسێنەوە و لەئێستادا داواى بەهاناوەچوون دەکەن.
پەیامنێرى ئێن ئاڕ تى لە لەندەن رایگەیاند "ئەو چەند کۆچبەرە کوردە بەنیازبوون لە کەناراوەکانى تورکیاوە بەڕێ بکەون بۆ وڵاتى ئیتاڵیا، بەڵام شەپۆلى دەریا رێڕەوى کۆچەکەیان دەگۆڕێت و لە وڵاتى لیبیا دەگیرسێنەوە".
باوکى یەکێک لە کۆچبەرەکان هەواڵەکەى بۆ ئێن ئاڕ تى پشتڕاستکردەوە و
ئاماژەى بەوە کرد "بەرەبەیانى ئەمڕۆ دووشەممە، کوڕەکەى پەیوەندى پێوە کردووە
و وتویەتى "ئێمە سەلامەتین بەهۆى شەپۆلێکى زۆرى دەریاوە رێگامان لێ هەڵە بوو
و لە ئێستادا لەوڵاتى لیبیا گیرساوینەتەوە".
وتیشى "لە رۆژى یەکشەممەى رابردووەوە لە ئەستەنبوڵەوە
بەڕێکەوتووین و دواى ٧ رۆژ لە وڵاتى لیبیا گیرساینەوە".
ژیان مۆبێرگ، لەندەن
