سەردێڕ:

ئەردۆغان باس لە خراپی پەیوەندییەکانیان لەگەڵ ئەمریکادا دەکات

AM:08:57:24/09/2021

7256 جار خوێندراوەتەوە

میدیاکان بڵاویانکردەوە، رەجەب تەیب ئەردۆغان سەرۆکی تورکیا توڕەیی خۆی دەربڕیوە لە یارمەتیدانی کوردانی سوریا لەلایەن سەرۆکی ئەمریکاوە و دەڵێت، بێ وەڵام ناوەستن، باس لە خراپی پەیوەندییەکانی نێوانیشیان دەکات و رایگەیاندووە، "هیوای خواستووە پەیوەندیەکانی نێوانیان دۆستانەبێت نەك دوژمنانە."


ئەردۆغان لە پەراوێزی کۆبوونەوەی گشتی نەتەوە یەکگرتووەکان لە شاری نیویۆرک رایگەیاند، ''ئەنقەرە بەشێوەیەکی باش کاری لەگەڵ جۆرج بوشی کوڕ و باراك ئۆباما و دۆناڵد ترەمپ کردووە، بەڵام ناتوانم بڵێم سەرەتای کارمان لەگەڵ جۆ بایدن، سەرۆکی ئێستای ئەمریکادا باش بووە."

ئەردۆغان دەڵێت، "بە راستگۆییەوە هەڵسوکەوتییان کردووە و هەڵسوکەوتیان بەرامبەر واشنتۆن نەگۆڕە، بەڵام بایدن بەو جۆرە هەڵسوکەوت ناکات."

لەبارەی ئەفغانستانەوە ئەردۆغان ئەوەشی خستووەتەڕوو، " ئەمەریکا پێویستە باجی ئەو کارە بدات، کە شاڵاوی زۆری پەنابەری ئەفغانی دەستیپێکرد و تورکیا دەرگای بەرەو ڕووی ئەو پەنابەرانەدا ناکاتەوە."

ئەمە لەکاتیکدایە، لەسەرەتای دەستبەکاربوونی سەرۆکی ئێستای ئەمریکاوە، ژمارەیەک لە شارەزایان پێیانوایە سیاسەتەکانی بایدن وا دەردەکەوێت زیاتر لە بەرژەوەندی کورد بێت و واشنتن و ئەنقەرە گرژی لە پەیوەندییەکانیاندابووە، هاوکات سەرۆکی نوێی ئەمریکاش پێشتر و لەکاتی بانگەشەی هەڵبژاردندا دژایەتی خۆی بۆ سیاسەتەکانی دەرەوەی تورکیا دەربڕیبوو.








گەلەری