تەرمی کارمەندێکی ئاسایش بە کوژراوی لەناو باخچەیەک لە سەر رێگای هەولێر-دهۆک دۆزرایەوە.
کەسوکارەکەی بە ئێن ئاڕ تییان راگەیاند، ئەو کەسە ناوی فەرسەت حاجی غالیب زرارییە و رووداوەکە درەنگانی شەوی رابردوو بووە، بەڵام ئەمڕۆ تەرمەکەی دۆزراوەتەوە.
ئاماژەیان بەوەشکرد، کە هۆکاری کوژرانەکەی نازانن و
ئەوان کێشەیان لەگەڵ کەسدا نەبووە.
فەرسەت خێزاندارە و خاوەنی چوار منداڵە، خەڵکی گوندی باوە
خەلانە لە ناحیەی دارە شەکران سەر بە پارێزگای هەولێر.