سەردێڕ:

سەردانیکردنى زیندانیان دەستپێدەکاتەوە

PM:02:34:20/09/2021

1716 جار خوێندراوەتەوە

بەڕێوبەرایەتى چاکسازى ژنان و منداڵانى هەولێر دەستپێکردنەوەى سەردانیکردنى زیندانیانى راگەیاند.


ئەمڕۆ دووشەممە، بەڕێوبەرایەتى چاکسازى ژنان و منداڵانى شارى هەولێر راگەیەندراوێکى بڵاوکردەوە و تیایدا سەرجەم خانەوادەى بەندکراوانى ئاگادارکردەوە کە لە رۆژى چوارشەممە (٢٢ى ئەیلولى ٢٠٢١) سەردانیکردنى بەندکراوان دەستپێدەکاتەوە.

بەگوێرەى راگەیەندراوەکە، ئەم چوار شەممەیە سەردانی سزاداوانی نەوجەوان و ئافرەتان بەڕێوە دەچێت و رۆژى چوار شەممەی داهاتوو (٢٩ى ئەیلولى ٢٠٢١) سەردانی ڕاگیراوانی نەوجەوان و ئافرەتان بەڕێوەدەچێت.

ئاماژە بەوەش کراوە "ڕێککاری سەردانی بریتیە لە سەردانیکردنی دایک و باوک و خوشک و برا و هاوسەر و منداڵ بە پابەندبوون بە ڕێنماییەکانی تەندروستی ، بەتایبەت بەستنی ماسک" .

جەختیش لەسەر ئەوە کراوەتەوە "بۆ هەفتەکانی داهاتووش بە هەمان میکانیزم سەردانیکردن بەردەوامی دەبێت".

هاوکات وەزارەتى کار و کاروبارى کۆمەڵایەتیش لە نوسراوێکى فەرمیدا دەستپێکردنەوەى سەردانیکردنى زیندانیانى راگەیاند و ئاماژەى بەوە کرد بڕیارەکە لەمڕۆوە دەکەوێتە بوارى جێبەجێکردن.








گەلەری