PM:07:36:19/09/2021
9424 جار خوێندراوەتەوە
سەعدى ئەحمەد پیرە، ئەندامى مەکتەبى سیاسى یەکێتیى نیشتیمانیى کوردستان رایگەیاند "لەبەشێک لە بازنەکان لەگەڵ یەکگرتووى ئیسلامى کوردستان و کۆمەڵى دادگەریى کوردستان بۆ هەڵبژاردن لێکتێگەیشنمان هەیە".
سەعدى ئەحمەد پیرە، ئەندامى مەکتەبى سیاسى یەکێتیى لەمیانەى بەشداریکردنى لە بەرنامەى تاوتوێى ئێن ئاڕ تى ئاماژەى بەوە کرد "لەگەڵ لایەنەکانى یەکگرتوو و کۆمەڵ لێکتێگەیشتن کراوە و ئازادى دراوە بە دەنگدەرانى یەکێتى و یەکگرتو و کۆمەڵ کە لەو جێگایانەى کە کاندیدیان نییە دەنگ بە یەکتر بدەن".
ئەندامەکەى مەکتەبى سیاسى یەکێتى رونیکردەوە "کاندیدى یەکگرتوو و
کۆمەڵ هەیە پێیان ناخۆشە خەڵک بزانێت لەگەڵ یەکێتى لێکتێگەیشتنیان هەیە".
وتيشى "لە هەندێک لە بازنەکان بەشێک لە کاندیدەکان پێیان خۆشە کە خەڵک بزانێت لەگەڵ یەکێتى لێکتێگەیشتنیان هەیە و لە بەرژەوەندى خۆیانى دەزانن".
بڕیارە لە مانگی تشرینی یەکەمی ئەمساڵدا هەڵبژاردنی عێراق بەڕێوەبچێت
و پەرلەمانی عێراقیش ئاشکرایکردووە، کە سێ رۆژ بەر لە هەڵبژاردن خۆی هەڵدەوەشێنێتەوە.
