سەردێڕ:

رێکخراوێکی ئەمریکی: دۆخی تەندروستی بەشێک لە زیندانییە مانگرتووەكانی بادینان مەترسیدارە

PM:01:10:19/09/2021

1356 جار خوێندراوەتەوە

رێکخراوێکی ئەمریکی بۆ داکۆکیکردن لە ماف و ئازادییەکان رایگەیاند، مانگرتنی زیندانیانی بادینان لە قۆناغێکی مەترسیداردایە و داوای به هاناوەچوونیان دەکات.


ماوەی ١٣ رۆژە لە ژێر دروشمی (یان مردن، یان ماف و ئازادی)، ٨٢ چالاکوان و رۆژنامەنوسی بادینان لە خواردن و خواردنەوە مانیانگرتووە و دۆخی تەندروستی ئەیاز کەرەم یەکێک لە سزادراوانی بادینان تێکچووە و لە هۆش خۆی چووە،

بەپێی راگەیەنراوێکی تیمی CPT، تیمی تەندروستی بە هانایەوە نەچووە و خەریکە چاوەکانی رۆشنایی لەدەستدەدەن.

هاوکات، داوایکردووە سەرجەم تۆمەتی چالاکوان و رۆژنامەنووسەکان هەڵبوەشێنرێنەوە و کەیسەکانیشیان لە دادگایەکی بێلایەن یەکلابکرێنەوە.

ئەوەش لەکاتێکدایە، ٨٢ زیندانی بادینان، کە ٧٧ کەسیان زیاتر لە ساڵێکە بەبێ دادگاییکردن لە زیندانی ئاسایشی گشتی هەولێر زیندانی کراون، داوای مافە سەرەتاییەکان و ئازادبوونیان دەکەن.








گەلەری