سەردێڕ:

گۆڤارێکی ئەمەریکی دوو کورد لە ریزبەندى ١٠٠ کەسە کاریگەرەکانی ئەمساڵ دەستنیشان دەکات

AM:08:13:16/09/2021

17128 جار خوێندراوەتەوە

گۆڤاری تایمزی ئەمەریکی کچە چالاکوانێکی فەڵەستینی بەرەچەڵەک کورد و محەمەد کوردی برای لەنێو ١٠٠ کەسایەتییە بەهێزەکەی جیهاندا بۆ ئەمساڵ هەڵبژاردووە.


ئەو گۆڤارە ئەمەریکییە باسی لەوەکردووە، محەمەد و مونا کورد لەرێگای تۆڕە کۆمەڵایەتییەکانەوە توانیویانە بەهەموو جیهانی بگەیەنن کە، "ژیان چۆن دەگوزرێت لەژێر سایە و دەسەلاتی حوکمی ئیسرائیل لە شاری قودس و هەروەها، تەواوی دۆخ و ململانێکانی نێوان فەڵەستین و ئیسرائیلیان روونکردووەتەوە".

هاوکات، گۆڤارەکە ئەوەشی وتووە، ئەو خێزانە کوردە یەکێکن لەو خێزانانەى کە لەگەڵ دەیان کەس لە دراوسێکانیان لەگەڕەکی شێخ جەڕاح لەسەروبەندی داگیرکردنی خانووەکانیاندا دژی سوپای ئیسرائیل دەجەنگان.

مونا و محەمەد کورد، بەڕەچەڵەک کوردن و دانیشتووی گەڕەکی شێخ جەڕاحی فەڵەستینن، دوو چالاکوانی دیاری نێو تۆڕە کۆمەڵایەتییەکانن، لەسەروبەندی سەرهەڵدانی گرژییەکانی ئەمساڵی نێوان فەڵەستینییەکان و ئیسرائیل، رۆڵێکی سەرەکییان هەبوو لەگەیاندنی دۆخی هاوڵاتییان و بۆچوونییان بەدنیای دەرەوە.








گەلەری