بەڕێوەبەرایەتی پۆلیسی سلێمانی رایگەیاند، بە تۆمەتی بێهۆشکردن و دواتر دزینی ئاڵتونی چەندین ژن لە ماڵەکانی خۆیاندا، ژنێکیان دەستگیر کردووە.
ئەمڕۆ سێشەممە، بەڕێوەبەرایەتی پۆلیسی سلێمانی لە راگەیەنراوێکیدا ئاشکرایکرد، مەفرەزەکانی بەشی پۆلیسی نەھێشتنی تاوانی سلێمانی - نوسینگەی رۆژھەڵات تۆمەتبارێکیان دەستگیرکرد کە چەند جارێک و لەچەند ماڵێکدا ئاڵتونی دزیبوو.
ئەوەشی خستووەتەڕوو،
دوای تۆمارکردنی سکاڵای یاسایی لەلایەن ھاوڵاتییەکەوە کە لەماڵەکەی خۆیدا بێھۆشکراوە
و دواتر ئاڵتونەکانی دزراوە، ھێزەکانی پۆلیس لێکۆڵینەوە و بەدواداچوونەکانیان دەستپێکرد.
دەشڵێت، پاش وەرگرتنی
بڕیاری دادوەر، توانرا تۆمەتبارێک بەناوی (ج، خ، ت) لەدایکبووی ١٩٧٠ دەستگیربکەن و
لەبەردەم دادوەردا دانی بەتاوانەکەیدا ناوە کە چەند جارێک و لەچەند ماڵێکدا ئاڵتونی
دزیبوو.
لە بەشێکی دیکەی
راگەیانراوەکەدا هاتووە، تۆمەتباری ناوبراو بەناوی یارمەتیدان و ھاوکارییەوە خۆی لەو
ئافرەتانە نزیککردووەتەوە کە بەتەنھا ژیاون، دواتر خاوەن ماڵەکەی بێھۆشکردوە و ئاڵتونەکانیانی دزیوە.
ئاماژەی بەوەشداوە،
لەئێستادا تۆمەتبار بەبڕیاری دادوەرو بەپێی ماددەی ٤٤٣ راگیراوە و لێکۆڵینەوەکان لەگەڵیدا
بەردەوامە.