حامد رەمەزان لە ساڵی ٢٠١٦وە رێگای قاچاغی گرتبووەبەر بەرەو گەیشتن بە وڵاتێک کە تیایدا دۆخی لە خاک و زێدی خۆی باشتر بێت و گوزەرانی باشتر بێت، ئەو هەریەکە لە تورکیا و ئەلبانیای بڕیبوو و ماوەی ١٠ رۆژ بوو گەیشتبووە کڕواتیا.

حامد خەڵکی ئاکرێ بوو و لە ساڵی ١٩٨٥ لەدایک بووبوو.

رزگار رەمەزان برای حامد، کە نیشتەجێی ئەڵمانیایایە؛ بە ئێن ئاڕ تی راگەیاند، ئەوان دوو حزبی دەسەڵاتداری هەرێم بە هۆکاری مردنی براکەیان تەماشا دەکەن، چونکە وەک خۆی دەڵێت، "براکەم و خێزانەکەی بەهۆی زوڵم و ناعەدالەتی ئەو دوو حیزبەوە کوردستانیان جێھێشت."

رێگای کۆچ و رێگای ناڕوونی شەپۆلی دەریا و دارستانەکان، ئەو رێگایەیە کە تیایدا ژیانی لە چەندەها خێزان و گەنجی کورد سەندەوە، ئەوان بە مەبەستی گوزەرانی باشتر و رزگار بوون لە نەهامەتی و نەبوونی خزمەتگوزاری و هەلی کار و دامەزراندن و خراپی دۆخی ئابوری روویان لەو رێگایە دەکرد، سەرەڕای ئەوەی دەیانزانی سەختییەکانی زۆرن، بەڵام بۆ رزگار بوون لەو دۆخەیان، لەسەر خاکی خۆیانەوە ئەو رێگایانەیان دەگرتەبەر. کە هێشتا ئەو دۆخە بەردەوامە و ساڵانە بە سەدان گەنج و خێزان کورد روو لە وڵاتانی ئەوروپا دەکەن.

هەڵگورد عومەر، ئەڵمانیا

هـ.ئـ