سەردێڕ:

روونکردنەوەیەک لە وەزیری پەروەردەوە لەبارەی دەستپێکردنی دەوامەوە

PM:03:21:13/09/2021

41036 جار خوێندراوەتەوە

وەزیری پەروەردەی هەرێم وردەکاری و شێوازی پێداچوونەوەی بەسەر وانەکانی ساڵی رابردووی ئاشکراکرد و رایگەیاند، سبەینێ یەکەم رۆژی ساڵی نوێی خوێندنە و ماوەیەکی تایبەت دیاریکراوە بۆ پێداچوونەوە بە وانەکاندا.


ئالان حەمەسەعید وەزیری پەروەردەی هەرێم دەڵێت، بۆ پۆلەکانی ٢، ٣، ٤، ٥، ٦ لەگەڵ ٨ و ٩ و پۆلی ١١، سێ هەفتەی سەرەتایان بۆ دیاریکراوە بۆ پێداچوونەوە.

باسی لەوەشکرد، کە وانەکانی لەدەستچوون و بابەتەکانیان لەلایەن لیژنەی تایبەتەوە دیاریکراوە و تەنها ئەو بابەتانە پێداچوونەوەی پێدا دەکرێت.

وتیشی، کە بەستی ماسک ناچارییە و دەبێت ماسک بەکاربهێندرێت.

راشیگەیاند، دوو ملیۆن و ٥٠٠ هەزار ماسک و ٥٠ هەزار پاکەرەوە "تەعقیم"یان داناوە و بەسەر خوێندگەکاندا دابەشیدەکەن.

ئەمڕۆ، دڵشاد عومەر بەڕێوەبەرى گشتى پەروەردەى سلێمانى لە لێدوانێکدا بە ئێن ئاڕ تى راگەیاندبوو، "پۆلی ١ و ٧ ی بنەرەتی و ١٠ و ١٢ی ئامادەیی بۆ ساڵی نوێی خوێندن پێداچوونەوە ناکەن و راستەوخۆ دەستدەکەن بە خوێندنی وانەکانی ساڵی نوێ."

بڕیارە سبەینێ زەنگی ساڵی نوێی خوێندنی ٢٠٢١-٢٠٢٢ لێبدرێت و دەوامی خوێندکاران لە سەرجەم خوێندنگەکاندا دەستپێبکاتەوە بە باخچەکانیشەوە. وەزارەتی پەروەردە رایگەیاندووە، دەستپێکردنەوەی دەوام بۆ ساڵی نوێ باخچە و قوتابخانە حکومی و ناحکومییەکانیش دەگرێتەوە.


 








گەلەری