سەردێڕ:

عێراق رێنمایی نوێی بۆ گەشتکردن بۆ دەرەوەی وڵات دەرکرد

PM:03:34:09/09/2021

24656 جار خوێندراوەتەوە

ئەمڕۆ پێنجشەممە، دەستەی ئاسمانی عێراق رێنمایی نوێی تایبەت بە گەشتکردن بۆ وڵاتی هندستان دەرکرد و تیایدا هاتووە، لەسەر ئەو کەسانەی کە نەخۆشن و پێویستییان بەسەردانی وڵاتی هندستان هەیە دەتوانن گەشت بکەن.


دەستەی ئاسمانی عێراق لە راگەیەندراوێکدا باسی لەوە کردووە، حکومەتی عێراق رەزامەندی دەربڕیوە لەسەر گەشتکردنی ئەو کەسانەی کە نەخۆشن و هەروەها ئەو کەسانەشی کە چاودێرییان دەکەن لەسەر ئەرکی خۆیان بەمەبەستی وەرگرتنی چارەسەر سەردانی وڵاتی هندستان بکەن.

بەگوێرەی راگەیەندراوەکە، ئەو کەسانە دەتوانن لەرێگای هێڵی ئاسمانی عێراقییەوە و بەبێ بەدەستهێنانی رەزامەندی پێشوەختەی وەزارەتی تەندروستی عێراقی دەتوانن گەشتەکەیان ئەنجامبدەن.

ئەوەشخراوەتەڕوو، پێویستە تەواوی رێکارەکان و داواکارییەکانی گەشتکردن بۆ هندستان لەلایەن ئەو کەسانەوە ئامادەکرابێت و هەروەها، تەواوی پشکنینە پزیشکییە خوازراوەکانی وڵاتی هندستانیان ئامادەکردبێت.

ئەمەش دوای ئەوە دێت، لەماوەی رابردوودا وڵاتی هندستان زۆرترین رێژەی توشبوون و گیانلەدەستدانی بە ڤایرۆسی کۆرۆنا تۆمارکرد و ئەمەش وایکرد، حکومەتی زۆربەی وڵاتان و لەنێویشیاندا عێراق گەشتکردنی هاوڵاتیییەکانیان بۆ ئەو وڵاتە سنووردار بکەن.








گەلەری