پارێزگاری هەولێر لیژنەی قائیمقامییەتی پارێزگای هەولێری راسپارد بۆ گرتنە بەری رێکاری توند بەرامبەر ئەوانەی نرخی خۆراک و پێداویستییەکان لە یادی نەورۆز و مانگی رەمەزاندا لەسەر هاوڵاتییان بەرز دەکەنەوە.
پارێزگای هەولێر راگەیەنراوێکی بڵاوکردەوە و تیایدا هاتووە، بە سەرپەرشتى ئومێد خۆشناو، پارێزگارى هەولێر و ئامادەبوونى هێمن قادر، جێگرى پارێزگار و نەبەزعەبدولحەمید، قائیمقامى ناوەند و خەسرۆ غازى، بەڕێوەبەرى کاروبارى ناوخۆى پارێزگا، لە دیوانى پارێزگا، کۆبوونەوەیەکى تایبەت بۆ رێگەگرتن لە گرانی نرخ و پێداویستی هاوڵاتییان و کۆنتڕۆڵکردنی بازاڕ ئەنجامدرا.
ئاماژەی بەوەشداوە، پارێزگارى
هەولێر، بەبۆنەى هاتنى نەورۆز و مانگى رەمەزانەوە جەختی لە چاودێریکردنی چڕ و وردی
بازاڕ و نرخ و کەل و پەل و پێداویستییەکانی هاوڵاتییان کردەوە.
راگەیەنراوەکە ئەوەشی
خستووەتەڕوو، پارێزگار لیژنەی قائیمقامیەتى راسپارد رێکاری توند لەگەڵ هەموو ئەو کەسانە
بگیرێتەبەر کە نرخی خۆراک و پێداویستییەکان لە سەر هاوڵاتییان زیاد دەکەن.
دەشڵێت، رێگە بە هیچ کەس نەدەن
بەهەر بڕ و بیانوێک بێت، نەورۆز و مانگى رەمەزان بقۆزێتەوە و یاری بەبازاڕ بکەن و
نرخی خۆراک و کەل و پەل و پێداویستی لەسەر هاوڵاتییان گران بکەن.
هەروەها، لەبارەی کرانەوەی
چێشتخانەکان لە مانگی رەمەزاندا، ئومێد خۆشناو پارێزگاری هەولێر ئاماژەی بەوەداوە،
بە رێزگرتن لە مانگی رەمەزان و رۆژووانان، چێشتخانهكان ئازادن و خۆیان ئهو بریاره
لهسهر خۆیان جێبهجێ دەكهن، تەنها بەشێوەیەک رێز لەو مانگە بگرن.
دەشڵێت، جەخت لەوە کرایەوە
کە لەگەڵ هەڵمەتەکانى چاودێریکردنی چڕ و وردی بازاڕ و نرخ و کەل و پەل و پێداویستییەکانی
هاوڵاتییان، هەڵمەتى پشکنین و دەستبەسەرداگرتنى خۆراک و دهرمانى خراپ و ماوە بەسەرچوو
چڕتر بکرێتەوە.
کـ - کـ