بە گوێرەی داتاکانی بازاڕی جیهانی نەوت، نرخی یەک بەرمیل نەوتی خاوی برێنت بە ٨٦ دۆلار و ٤٦ سەنت مامەڵەی پێوەدەکرێت و یەک ئونسەی زێڕ نرخی هەزار و ٨٤٧ دۆلار و ٤٧ سەنتە.
ئەمڕۆ دووشەممە، نرخی یەک بەرمیل نەوتی خاوی ئەمریکی بە ٨٠ دۆلار و ٧١ سەنت مامەڵەی پێوەدەکرێت و نرخی زێڕیش بەردەوامە لە بەرزبوونەوە.
هاوکات یەک گرام زێڕ لە بازاڕە جیهانییەکاندا بە ٥٩ دۆلار
و ٣٩ سنتە و یەک کیلۆگرامیش بەرامبەر ٥٩ هەزار و ٣٩٢ دۆلارە.
بەرزی نرخی نەوت لە کاتێکدایە، رێکخراوی ئۆپیک پڵەس لە
ساڵی رابردوو بڕیاری کەمکردنەوەی رێژەی بەرهەمهێنانی بەرمیلە نەوتی رۆژانەیدا و ئەم
بڕیارەشی لە پێناو پاراستنی نرخی نەوت و مانەوەی بوو لە نێوان ٧٦ بۆ ٣٢ دۆلار.
هاوکات، سەرجەم وڵاتانی ناو رێکخراوی ئۆپیک پڵەس رەزامەندن
بەو بڕیارە نوێیە و هەمووان پابەندن پێیەوە کە لەناویاندا عێراق بوونی هەیە.
بەپێی دوایین زانیارییەکان ئەنجوومەنی وەزیرانی عێراق لە
پرۆژە یاسای بودجەی عێراقدا نرخی نەوتی لە نێوان ٨٠ بۆ ٨٥ دۆلار خەمڵاندووە.