بەپێی راپرسییەکانیش، زۆربەی ئەو کۆچبەرانەی روویان لە وڵاتی بەریتانیا کردووە لە ١٠ وڵاتەوە هاتوون و بە پلەی یەکەم لە ئەلبانیاوە دواتر کۆچبەرانی ئەفغانستان و ئێران و عێراق و سوریا و بەنگلادش و ئریتاریا و سودان و هیندستان و پاکستان دێن.

لەلایەکی دیکەوە عەمرو سمیث راوێژکاری کۆچ و رەگەزنامە دەڵێت، ئەو هەنگاوەی حکومەتی بەریتانیا نوێیە و تاوەکو ئێستا بەریتانیا هیچ چارەسەرێکی بۆ کێشەی کۆچبەران لە وڵاتەکەیدا نەدۆزیوەتەوە.

باسی لەوەشکرد، ئەو کۆچبەرانەی مەرجی چاوپێکەوتنی راستەوخۆ نایانگرێتەوە پێویستە لە وڵاتانی ئەفغانستان و ئێریتریا و لیبیا و سوریا و یەمەنەوە جوبنە بەریتانیا.

ئەوەشی خستەڕوو، ئەنجوومەنی وەزیرانی بەریتانیا راپرسییەکی ١٠ پەڕەیی بەسەر ئەو کۆچبەرانەدا دابەش دەکات کە داوای مافی پەنابەرێتییان کردووە، تاوەکو ئاستی لێهاتوویی بەشێکیان دەربکەوێت و ژمارەی داوکارییەکان بەپێی مەرجەکانی راپرسییەکە کەمبکەنەوە.

لە ساڵی رابردوو، وڵاتی ئەڵمانیاش ژمارەیەکی زۆر لە داوای مافی پەنابەرێتی تۆمارکرا تێیدا بە شێوەیەک نزیکەی ٣٠٠ هەزار کۆچبەر داوای مافی پەنابەرێتییان کردووە و لە دوای ئەویش فەرەنسا ١٧٩ هەزار داواکاری تۆمارکراوە، و پاشان ئیسپانیا ١٢٨ هەزار داواکاری مافی پەنابەری تۆمارکراوە.