بەگوێرەی زانیارییەکانی میدیا ئەمریکییەکان تەقەکردنەکە بووە هۆی کوشتنی یەکێکیان و برینداربوونی یەکێکی دیکەیان.

پۆلیسی ئەمریکا باسی لەوەکردووە، دوو رۆژنامەنووسە ئەمریکییەکە لەنێو ئۆتۆمبێلێکدا بوون لەنزیک شوێنی رووداوەکە، بەڵام لەکاتی تەقە لێکردنیدا وەک ئۆتۆمبێلی میدیایی نیشانە نەکرابوو بۆیە هێشتا روون نییە کە ئایا تەقەکەرەکە بە ئەنقەست نیازی بووە تەقە لە رۆژنامەنووسەکان بکات یاخود نا.

ئاماژە بەوەشکراوە، دوای ئەوەی تەقەی لە رۆژنامەنووسەکان کردووە، تەقەکەرەکە بۆ شوێنێکی نزیک لە رووداوەکە هەڵهاتووە و لەوێ تەقەی لە ژنێک و کچە نۆ ساڵانەکەی کردووە و هەر لەوێدا کچەکە گیانی لەدەستداوە و دایکیشی بەسەختی برینداربووە و دواتر پۆلیس توانیویەتی تۆمەتبارەکە دەستگیربکات.

بەرپرسانی ناوچەکە ئاماژەیان بەوەشکردووە، تۆمەتبارەکە خاوەن مێژوویەکی درێژە لە تاوان و بەکارهێنانی چەک و هەڵکوتانەسەر و دزیکردن و تاوانی کوشتنیشی دراوەتەپاڵ و دواتر ناوەکەیان بڵاوکردەوە.

هاوکات، کارین کارین جانپیێر، وتەبێژی کۆشکی سپی لەتۆڕی کۆمەڵایاتی تویتەر دەربارەی تۆمەتبارەکە وتی، "هاوخەمی خۆمان بۆ بنەماڵەی رۆژنامەنووسە کوژراوەکە و هاوڕێکەی دەردەبڕین و دڵامان خوێنی لێدەتکێت."

‌‌ه-ح