ئانتۆنی بڵینکن وەزیری دەرەوەی ئەمریکا باسی لەوە کرد بڕیاری ئۆکرانیا بۆ ژیان لە ئاشتییدا هی ئۆکرانییەکانە و هێرشبەرێک و قوربانییەک لە ئارادان و "ئەوەی لە رووسیای چاوەڕوان دەکەین، بەشێوەیەکی هاوتەریب لە ئۆکرانیای چاوەڕوان ناکەین. ئەگەر ئەمڕۆ رووسیا سەربازەکانی بکشێنێتەوە، جەنگ تەواو دەبێت، ئەگەر ئەمڕۆ ئۆکرانیا واز لە جەنگ بهێنێت، ئۆکرانیا تەواو دەبێت."

وەزیری دەرەوەی ئەمریکا ئەوەش جەختکردەوە، ئەمریکا پشتیوانی لە ئۆکرانیا دەکات لە بارەی بڕیاردان لەسەر داهاتووی خۆی، پێویستیشە دەستەبەری ئاشتیی بکرێت و "پێویستە ئاشتییەکە بگونجێت لەگەڵ مەرجەکانی نەتەوەیەکگرتووەکاندا. بەشێوەیەک لە شێوەکان بیانوو هێنانەوە بۆ دەستبەسەرداگرتنی خاک بە زۆرەملێ، پێشێلکارییە دژ بە بەرژەوەندی هەموو وڵاتەکان".

٥٩هەمین خولی کۆنفرانسی ئاسایشی میونشن(MSC) لە ١٧-١٩ی شوبات، لە شاری میونشنی ئەڵمانیا بەڕێوەدەچێت. بە زیاتر لە ٧٠٠ بەشداربووی چاوەڕوانکراو، نزیکەی شەش دەیە، MSC یەکێکە لە کۆڕبەندە ناوەندییەکانی ئاسایشی نێودەوڵەتی، کە سەرۆکی دەوڵەتان و بەرپرسانی باڵای حکومەت لە سەرانسەری جیهان و پسپۆڕان، دەنگی جۆراوجۆر لە رێکخراوە نێودەوڵەتییەکان، کۆمەڵگەی مەدەنی، کەرتی تایبەت کۆدەکاتەوە.