ژمارەی ئەو کەسانەی بەهۆی بومەلەرزەکەی تورکیا و سوریاوە گیانیان لەدەستداوە یان بە مردویی لەژێر داروپەردووی باڵەخانەکاندا ماونەتەوە بۆ هەشت هەزار کەس بەرزبووەتەوە.
پاش ئەوەی لە دوو رۆژی رابردوودا سێ بومەلەرزە بە گوڕی جیاواز ناوچەکانی سنوری تورکیا و سوریای هەژاند ئەمڕۆ ژمارەی گیانلەدەستدان گەیشتە هەشت هەزار و ٤٠٠ کەس و ٣٧ هەزار و ٣٦٤ کەسیش برینداربوون.
فوئاد ئۆکتای جێگری سەرۆککۆماری تورکیا رایگەیاند، تاوەکو ئێستا پێنج هەزار و ٨٩٤ کەس لە تورکیا
گیانیانلەدەستداوە و ٣٤ هەزار و ٨١٠ کەسیش بریندارن و هەشت هەزار کەسیش رزگارکراون
زیاتر لە پێنج هەزار و ٧٧٥ باڵەخانە رووخاون وتیشی، "ئەو ئامارانە ئاماری کۆتایی
نین."
هاوکات روانگەی سووری بۆ مافەکانی مرۆڤ ئەوەی خستەڕوو، دوو هەزار و ٥٠٠ کەس
لە سوریا بەهۆی بوومەلەرزەکەوە گیانیان لەدەستداوە و دوو هەزار و ٥٥٤ کەسیش بریندارن.
رێکخراوی یونیسێفیش باس لەوەدەکات، بە هەزاران منداڵ گیانیان لەدەستداوە
و ملیۆنێک و ٤٠٠ هەزار منداڵیش ژیانیان لە
مەترسیدایە بە هۆی بوومەلەرزەکەوە.
لە دوو رۆژی رابردوودا سێ بومەلەرزە کە بەهیزترینیان بە گوڕی ٧.٨ پلەی
رێختەر بوو ناوچە سنورییەکانی نێوان تورکیا و سوریا و رۆژئاوا و باکوری کوردستانی
هەژاند و لە هەرێمی کوردستانیش هەستی پێکرا.