سەردێڕ:

موقتەدا سەدر: بەشداری ملیۆنی لە ھەڵبژاردنەکاندا کێشەکان چارەسەر دەکات

PM:04:22:01/09/2021

1432 جار خوێندراوەتەوە

سەرۆکی رەوتی سەدڕ رایگەیاند، بەشداری ملیۆنی لە ھەڵبژاردنەکاندا کۆرۆنا و کێشەکانی عێراق چارەسەر دەکات.


موقتەدا سەدر سەرۆکی رەوتی سەدڕ لە تویتێکدا ئەوەی خستەڕوو، تاکە چارەسەر بۆ ئەوەی گەلی عێراق لە گەندەڵی و کارەسات و پەتای کۆرۆناش رزگاری ببێت، بەشداریکردنی ملیۆنی ھاوڵاتیانە لە ھەڵبژاردنە پەرلەمانییەکەی ١٠ی تشرینی یەکەم.

ئەوەش لە کاتێکدایە، پێشتر موقتەدا سەدر بڕیاریدا بکشێتەوە لە هەڵبژاردنەکان، بەڵام دواتر گەڕایەوە ناو پرۆسەی هەڵبژاردنەکان و رایگەیاند، بە گڕوتینەوە لە پێناوی رزگارکردنی عێراق لە گەندەڵی و داگیرکاری دەگەڕێنەوە ناو هەڵبژاردن.

هاوکات، کۆمسیۆنی هەڵبژاردنەکانی عێراق رایگەیاندووە، سەرجەم ئامادەکاریییەکانی هەڵبژاردنەکان کۆتایی هاتووە و هەڵبژاردنەکانیش لەوادەی خۆیدا ئەنجام دەدرێت کە ١٠ی مانگی ١٠ی ئەمساڵە.








گەلەری