سەردێڕ:

پەرلەمانی عێراق لەسەر چەند پرۆژەیاسایەک کۆدەبێتەوە

PM:12:41:27/08/2021

1596 جار خوێندراوەتەوە

پەرلەمانی عێراق رۆژی یەکشەممەی داهاتوو کۆدەبێتەوە و ده‌نگ له‌سه‌ر پرۆژه‌یاسای پاراستنی مافی فه‌رمانبه‌ران ده‌درێت.


بەگوێرەی فه‌رمانگه‌ی راگه‌یاندنی پەرلەمانی عێراق، له ‌خاڵی یه‌كه‌می کارنامەکەدا ده‌نگ له‌سه‌ر ته‌واوكردنی پرۆژه‌یاسای یانه‌ وه‌رزشیه‌كان ده‌درێت له ‌خاڵی دووه‌میشدا، ده‌نگ له‌سه‌ر پرۆژه‌یاسای پاراستنی مافی فه‌رمانبه‌ران ده‌درێت.

خاڵی سێیه‌می کارنامەکەش په‌یوه‌سته‌ به‌ ده‌نگدان به‌ پابه‌ندكردنی كۆماری عێراق بۆ پڕۆتۆكۆلی ساڵی ٢٠٠٥ كه‌ په‌یوه‌سته‌ به‌ پڕۆتۆكۆلی سه‌ركوتكردنی كاره‌نایاساییه‌كان.

ئه‌وه‌ش خراوه‌ته‌ڕوو، له ‌خاڵی چواره‌مدا ده‌نگ له‌سه‌ر پرۆژه‌یاسای هه‌مواری یه‌كه‌می یاسای مۆڵه‌تی مانه‌وه‌ی هاوڵاتیانی بیانی ده‌درێت.








گەلەری