بی بی سی بڵاویکردەوە، ئەو کارەی بانی ناوەندی دوای ئەوەدێت، هەفتەی رابردوو سندوقی نەختینەی نێودەوڵەتەکانی رەوانەکردنی پارەکانی بۆ ئەفغانستان هەڵپەسارد.

وتەبێژی بانکی ناوەندی جیهانی رایگەیاند، ''سەرجەم پاڵپشتیە داراییەکانمان لەو وڵاتدا سڕکردووە و لە نزیکەوە چاودێری و هەڵسەنگاندن بۆ دۆخەکە دەکەین بەپێی سیاسەت و رێکارە ناوخۆییەکانمان".

ئەوەشی خستووەتەڕوو، ئەوان بەردەوام لە راوێژدا لەگەڵ کۆمەڵگەی نێودەوڵەتی و هاوبەشەکانیاندا دەبن، بەردەوام دەبن لە پشتگیریکردنی خەڵکی ئەفغانستان.

ئەمە لەکاتێکدایە، بەپێی زانیاریەکان ئەمریکا لەساڵی ٢٠٠٢ـوە زیاتر لە پێنج بلیۆن دۆلاریان لەو وڵاتەدا بۆ ئاوەدانکردنەوە و بەرەوپێشبردنی پڕۆژەکان خەرجکردووە.

دوای چەند رۆژێك لە دەستبەسەرداگردنی ئەفغانستان، حکومەتی ئەمریکا سەرجەم پارەکانی ئەو وڵاتەی لە بانکی ناوەندی دابانکدا لە کابوڵی پایتەخت بلۆککرد و بڕەکەی زیاتر لە نۆ بلیۆن دۆلار دەخەمڵێنرێت.

ئەمە لەکاتێکدایە، لە سەرەتای مانگی تەمموزی رابردوو، حکومەتی ئەمریکا سەرجەم هێزەکانی لە ئەفغانستان کشاندەوە و بزوتنەوەی تاڵیبان دەستیکرد بە شەڕ و زۆربەی شارەکانی کۆنترۆڵکرد و لەناوەڕاستی ئەم مانگە دەستی بەسەر کابوڵی پایتەختداگرت و کۆشکی سەرۆکایەتیدا و گرت و حکومەتی ئەفغانستان رووخا، دوێنێش سەرۆکی ئەو وڵاتە دەستبەرداری دەسەڵات بوو و بەرەو تاجیکستان وڵاتی جێهێشت و ئێستا نیشتەجێی ئیماڕاتە.