جێنین پلاسخارت نێردەی گشتی نەتەوە یەکگرتووەکان لە عێراق، سەبارەت بە چاکسازی سیستمی حوکمڕانی و فەرمانڕەوایی لە عێراق و کوردستاندا قسەی کرد و رایگەیاند، هەموو ئەوانەی لە سیستمی حکومڕانیدان و بەرپرسیارێتییان هەیە چاکسازی سیستمەکەیان لە ئەستۆیە و پێویستە کار لەپێناویدا بکەن.

وتیشی، باس لە سیستمێک دەکەم کە هەمووان بتوانن پێکەوە لەپێناو گەشەی زیاتردا کاری تێدابکەن کە ئەوەش پەیوەندی بە سیاسەت و سیستمی سیاسییەوە هەیە و هەموو سەرکردە بەرپرسەکان دەگرێتەوە، ئەو سیستەمەی باسی دەکەین پێویستی بە ریفۆرم هەیە و پێویستە ئەو کارەکتەرانەی نمایندەی ئەو سیستمە دەکەن لەپێناویدا کار بکەن.

باسی لەوەشکرد، "من لێرەدا نکۆڵی لەوە ناکەم کە خاوەنی سیستمێکی خراپین و کارمان کردووە بەڵام هێشتا عێراق نەبووە بە دەوڵەتێکی تەواو، ئەوەی روونە و هەمووان شاهێدی بینینین ئەوەیە بتوانین رووبەڕووی تەنگژە و گرفتەکان ببینەوە و بۆئەو مەبەستەش پێویستمان بە بەهێزی هەیە، پێویستە ئەوانی تر بانگهێشت بکەین بۆئەوەی پێکەوە لەو پێناوەدا هەوڵبدەین."

وتیشێ، نەتەوەیەکگرتووەکان ناتوانێت هەموو ئەرکەکان لەسەر شانی خۆی دانێت بەڵکو، دەتوانێت ببێتە هاوکاریکار و دەستبار لەنێوان هەریەکێک لە حکومەت عێراق و هەرێمی کوردستاندا.