سەردێڕ:

بايدن و سەركردەى وڵاتانى G7 تاوتوێى پرسى ئەفغانستان دەكەن

AM:10:30:23/08/2021

2176 جار خوێندراوەتەوە

بڕیارە سبەی سێشەممە، سەرۆکی ئەمریکا و سەرکردەی وڵاتانی گروپی حەوت تاوتوێی پرسی ئەفغانستان بکەن.


بەپێی راگەیەنراوی جێن ساکی وتەبێژی کۆشکی سپی، سەرکردەی وڵاتانی G7 رۆژی سێشەممە، ٢٤ی مانگ کۆدەبنەوە و تاوتوێی سیاسەتی ئەفغانستان و ھەماھەنگی لە بابەتی گواستنەوە لە کابوڵی پایتەختەوە دەکەن.

جێن ساکی ئاماژەی بەوەشکردووە، لە کۆبوونەوەکەدا پرسی ھاوکاری مرۆیی بۆ ئەفغانستان و پاڵپشتیکردنی پەنابەرانی ئەفغانیش تاوتوێ دەکرێت.

رۆژی ١٥ی ئەم مانگە، چەکدارانی تاڵیبان پاش کۆنتڕۆڵکردنەوەی زیاتر لە ٢٠ ویلایەتی ئەفغانستان، چوونە نێو کابوڵی پایتەختەوە و سەرۆکی پێشووی وڵات و بەشێک لە بەرپرسان وڵاتیان بەجێهێشت و بەشێکی زۆری وڵات کەوت دەست تاڵیبان.








گەلەری