وەزارەتی بەرگری ئەمریکا "پنتاگۆن" رایگەیاند، وەڵامی توندی ئەو لایەنانە دەدەنەوە کە هێرش دەکەنەسەر هێزەکانیان لە عێراق و سوریا.
وەزارەتی بەرگری ئەمریکا "پنتاگۆن"
رایگەیاند، وەڵامی توندی ئەو لایەنانە دەدەنەوە کە هێرش دەکەنەسەر هێزەکانیان لە عێراق
و سوریا.
ئەمڕۆ سێشەممە، وەزارەتی
بەرگری ئەمریکا " پتناگۆن" راگەیانراوێکی بڵاوکردەوە و تیایدا هاتووە، "ئەگەر
هێزەکانیان لە عێراق و سوریا هێرشیان بکرێتە سەر، ئەوا بە هێرشی سەربازی وەڵامدەدەنەوە،
ئاماژەی بەوەشکرد، "هەبوونی هێزەکانیان لە عێراق و سوریا لەسەر بنەمای داواکردنی
حکومەتی بەغداد و هاوپەیمانێتی هێزی ناوخۆیی سوریا بووە".
وەزارەتەکە سەبارەت
بە مانەوەی هێزەکانیان ئاماژەی بەوەکردووە، هێزەکانیان لە عێراق و سوریا دەمێنێتەوە
تاوەکو ئەرکەکانیان تەواو دەبێت.
لە راگەیەنراوەکەشدا ئەوەخراوەتەڕوو، پابەند دەبن
بە گرتنەبەری رێوشوێنی بەرگری و هێرشکردن، ئەگەر لەلایەن ئێران یاخود هەرلایەنێکی دیکەوە هێرش بکرێتە سەریان.
ئەم راگەیاندنەی
وەزارەتی بەرگری ئەمریکا دوای ئەوەدێت، لە
ماوەی رابردوودا هێزەکانیان لە عێراق و سوریا چەندینجار لەلایەن گروپە
چەکدارەکانەوە بە فڕۆکەی بێفڕۆکەوان و موشەک و بۆبمی چێنراو هێرشیان کراوەتەسەر و
ئەوڵاتەشپەنجەی تۆمەت بۆ ئەو گروپە چەکدارانە درێژدەکات کە لە ئێرانەوە نزیکن.