سەردێڕ:

شۆفێرێک لەژێر کاریگەریی خواردنەوە کحولییەکان لە هەولێر شەقامی سەرەکی داخستووە

AM:11:20:24/06/2022

6700 جار خوێندراوەتەوە

بەشی پۆلیسی فریاکەوتنی هەولێر رایگەیاند، لە گەڕەکی شارەوانی شۆفێرێک لەژێر کاریگەریی خواردنەوە کحولییەکان شەقامی سەرەکی داخستووە.


ئەمڕۆ هەینی، بەشی پۆلیسی فریاکەوتنی هەولێر راگەیەنراوێکی بڵاوکردەوە و تیایدا هاتووە، کاتژمێر ١٢ی شەو ئاگادار کرانەوە کەوا لە گەڕەکی شارەوانی کەسێک لەژێر کاریگەریی بەکارهێنانی خواردنەوە کحولییەکان شەقامی سەرەکی داخستووە.

ئاماژەی بەوەشداوە، شۆفێرەکە سەرخۆش بووە و بە ئۆتۆمبێلێکی جۆری ( هینۆ - بارهەڵگر)ی پێبووە.

دەشڵێت، دەستبەجێ هێزەکانیان گەیشتوونەتە شوێنی مەبەست و تۆمەتبارەکەیان بە ناوی (م. غ. ج) دەستگیر کرد و دەستیشیان بەسەر ئۆتۆمبێلەکەیدا گرت.

هەر بەگوێرەی راگەیەنراوەکەی پۆلیس، تۆمەتباری ئاماژەپێکراو و ئۆتۆمبێلەکەی، بە مەبەستی گرتنەبەری رێکارە یاساییەکان، رادەستی بنکەی پۆلیسی باداوە کرا.













گەلەری