سەردێڕ:

ژنێک لە رووباری چۆماندا خنکا

PM:10:50:22/06/2022

4056 جار خوێندراوەتەوە

بەرگری شارستانی سۆران بڵاویکردەوە، ژنێکی بە رەگەز عەرەب لە رووباری چۆماندا خنکاوە و تەرمەکەی دەرهێندراوە.


بەرگری شارستانی سۆران رایگەیاند، رووداوەکە نزیک کاتژمێر ٦ و ٣٠ خولەکی ئێوارە روویداوە و لە رووباری چۆمان نزیک پردی حافیز بووە.

ئەوەش هاتووە، بەر لەوەی بەرگری شارستانی بگەن هاوڵاتیانی ناوچەکە تەرمی ژنەکەیان دەرهێناوەتەوە، کە بە رەگەز عەرەبە و تەمەنی ٤٣ ساڵ بووە.

ئاماژەی بەوەشكرد، کە ئەو ژنە ناوی (فظا على ناصر) بووە و  بە مەبەستى گەشت و سەیران رووى لە ناوچەکە کردبوو لەگەڵ کەس و کارەکەى.

لەبارەی هۆکارى رووداوەکەشەوە ئەوە هاتووە، کە منداڵەکەی کەوتووەتە ناو رووبارەکەوە، ئەویش بەمەبەستى رزگارکردنى بەدوایدا خۆى فرێداوەتە ئاوەکەوە، بەڵام خۆی خنکاوە و منداڵەکەشى رزگار کراوە .

ئەمەش لە کاتێکدایە، لەسەرەتای ئەمساڵەوە تاوەکو ئێستا حەوت هاوڵاتی لەرووبارەکانی سنوری سۆران خنکاون.













گەلەری

‌بەپەلە