بەهۆى دروستبوونى لافاوەوە کە لە ٦٠ ساڵى رابردوودا هاوشێوەى نەبووە، دەیان هەزار کەس لە باشورى چین ئاوارەبوون و زیانە مادییەکانیشى بە ٢٥٠ ملیۆن دۆلار مەزەندە دەکرێت.
بەرپرسانى چین باسیان لەوە کردووە، بارانی بەخوڕ و لافاو و رۆچوونى زەوى لە هەرێمى گوانگ دۆنگ کاریگەریی لەسەر نیو ملیۆن کەسى ناوچەکە کردووە.
باس لەوەشکراوە، لافاوەکە
بووەتە ئاوارەبوونی زیاتر لە ١٧٧ هەزار کەس و رووخانی هەزار و ٧٢٩ خانوو و ٢٧ هێکتار
زەوی کشتوکاڵی زیانیان بەرکەوتووە.
بەرپرسانی چین ئەوەشیان
ئاشکرا کردووە، کۆی گشتی زیانەکان گەیشتووەتە ٢٥٠ ملیۆن دۆلار و لەماوەی ٤٢ رۆژدا
٦٢ سانتیمەتر باران باریووە.
شارەزایانی بواری کەشناسی
دەڵێن، پێشبینى زریانى بارانى زیاتر لە باشورى چین و شەپۆڵى گەرماى سەخت لە باکورى
وڵاتەکە دەکەن .