سەردێڕ:

کەشناسی هەرێم وادەی دابەزینی پلەکانی گەرمای ئاشکرا کرد

AM:11:47:21/06/2022

7468 جار خوێندراوەتەوە

بەڕێوەبەرایەتی گشتی کەشناسی هەرێم رایگەیاند، ئەمرۆ ئاسمانی هەرێم ساماڵ دەبێت و پلەکانی گەرماش ١-٣ پلەی سەدی دادەبەزن. دەشڵێت، "پێشبینیدەکرێت بەرزترین پلەی گەرما لە گەرمیان بێت کە ٤١ پلە دەبێت".


ئەمرۆ سێشەممە، بەڕێوەبەرایەتی گشتی کەشناسی و بومەلەرزەزانی هەرێم راگەیەنراوێکی بڵاوکردەوە و تیایدا هاتووە، ئەمرۆ ئاسمانی هەرێم ساماڵ دەبێت و پلەکانی گەرماش ١-٣ پلەی سەدی دادەبەزن.

ئاماژەی بەوەشداوە، سبەینێ ئاسمانی هەرێم بە گشتی ساماڵ دەبێت و لەگەڵ زیادبوونی خێرایی با لەهەندێ کات و ناوچە کە دەبێتە هۆی بەرزبوونوەی تۆزو خۆڵ.

دەشڵێت، ئاستی بەرزبوونەوەی تۆز و خۆلەکە مامناوەندە و لەکاتەکانی شەودا کاریگەریەی لاواز دەبێت.

راگەیەنراوەکەی کەشناسی ئەوەشی خستووەتەڕوو، سبەینێ پلەکانی گەرما نزیکەی ٤ - ٦ پلەی سەدی دادەبەزێت.

لەبەشێکی دیکەی راگەیەنراوەکەی بەڕیوەبەرایەتی کەشناسیدا هاتووە، بەرزترین پلەکانی گەرمای پێشبینیکراو بە پلەی سەدی بەمشیوەیەی خوارەوە دەبێت:

هەولێر : ٣٧

سڵێمانی : ٣٦

دهۆک : ٣٥

کەرکوک : ٤٠

هەڵەبجە : ٣٨

سۆران : ٣٥

راپەرین : ٣٨

گەرمیان : ٤١













گەلەری