سەردێڕ:

پەرلەمانی ئۆکرانیا بڵاوکردنەوەی بەرهەمی دوو بواری روسی و بیلاروسیی قەدەغەکرد

PM:05:09:19/06/2022

1032 جار خوێندراوەتەوە

په‌رله‌مانتارێكی ئۆكرانیا رایگه‌یاند، به‌ زۆرینه‌ی ده‌نگی ته‌واوی ئه‌ندامانی په‌رله‌مانی وڵاته‌كەی، پڕۆژه‌ یاسایه‌كیان بۆ قه‌ده‌غه‌كردنی به‌رهه‌می میوزیك و ئه‌ده‌بیاتی روسیا و بیلاڕوسیای تێپه‌ڕاندوە و "رێگه‌ به‌ بڵاوكردنه‌وه‌ی ئه‌و به‌رهه‌مانه‌ له‌ ته‌واوی ئۆكرانیا نادرێت.


ئەمڕۆ یەکشەممە، یۆرۆسڵاڤ زلێنزیاك، په‌رله‌مانتاری په‌رله‌مانی ئۆكرانیا رایگه‌یاند، به‌ زۆرینه‌ی ده‌نگ و به‌ ده‌نگی ته‌واوی ئه‌ندامانی په‌رله‌مان یاسایه‌كیان بۆ قه‌ده‌غه‌كردنی كتێب، ئه‌ده‌بیات و میوزیكی روسی تێپه‌ڕاند.

وتیشی، "په‌رله‌مانی وڵاته‌كه‌مان به‌شێوه‌یه‌كی فه‌رمی هاورده‌كردنی كتێب و به‌رهه‌مه‌ ئه‌ده‌بییه‌كانی روسیای به‌شێوه‌یەكی گشتی قه‌ده‌غه‌كرد و رێگریش له‌ بڵاوكردنه‌وه‌ی به‌رهه‌مه‌كانی روسیا له‌و ناوچانه‌ ده‌كرێت كه‌ به‌شێوه‌یه‌كی كاتی له‌لایه‌ن هێزه‌كانی روسیاوه‌ كۆنترۆڵكراون".

ئه‌و په‌له‌مانتاره‌ی ئۆكرانیا باسی له‌وه‌شكردوه‌، "به‌هیچ شێوه‌یه‌ك رێگه‌ به‌ موزیك و به‌رهه‌مه‌كانی روسیا و بیلاروسیاش له‌ نێو خاكی وڵاته‌كه‌مان ناده‌ین و جارێكی دیكه‌ به‌رهه‌مه‌كانی وڵاته‌كه‌مان به‌ گوێی خوێنه‌ر و هاوڵاتیان، گه‌نج و رۆڵه‌كانمان ده‌ده‌ین".

ئەمە لەکاتێکدایە، سێرگی لاڤرۆڤ وه‌زیری ده‌ره‌وه‌ی روسیا رایگه‌یاند، به‌رپرسانی ئۆكرانیا به‌شێوه‌یه‌كی نادروست ده‌یانه‌وێت هه‌رچی ئه‌ده‌بیات و هونه‌ری روسیایه‌ به‌ ته‌واوه‌تی بسڕنه‌وه‌، به‌ڵام روسیا ده‌یه‌وێت وه‌ك هاوڕێیه‌ك له‌ ئۆكرانیا بڕوانێت به‌بێ ئه‌وه‌ی زمان و ئه‌ده‌بی روسی هه‌ڵپه‌سێرێت و قه‌ده‌غه‌ی بكات.













گەلەری