سەردێڕ:

عێراق بڕی ١٧ ترلیۆن دیناری بۆ رووبەڕووبوونەوەی دیاردەی بەبیابانبوون و گۆڕانی کەش تەرخان کرد

AM:10:44:17/06/2022

1184 جار خوێندراوەتەوە

بانکی ناوەندی عێراق رایگەیاند، وەک دەستپێشخەرییەک بۆ رووبەڕووبوونەوەی هەردوو دیاردەی بە بیابانبوون و گۆڕانی کەشوهەوا بڕی ١٧ ترلیۆن دینارییان تەرخانکردووە.


ئەمرۆ هەینی، بانکی ناوەندی عێراق راگەیەنراوێکی بڵاوکردەوە و تیایدا هاتووە، بانکی ناوەندی بەهاوکاری وەزارەتی ژینگە و کشتوکاڵ و پەیوەندی بانکەکانی عێراق لە ۆرکشۆپێکدا ژورێکی کارکردنیان پێکهێنا بۆ کارکردن لەسەر گۆڕانی کەشوهەوا و بە بیابانبوون و ئاسایشی نەتەوەیی.

ئاماژەی بەوەشداوە، لە ۆرکشۆپەکەدا ژمارەیەک باڵیۆزی وڵاتان و پەیکی وەزارەت و پارێزگاکان و بەڕیوەبەرایەتییە گشتییەکان ئامادەبوون.

بەگوێرەی راگەیەنراوەکە، مستەفا غالب موخیف پارێزگاری بانکی ناوەندی لە وتەیەکیدا ئاماژەی بەوەدا، گۆڕانی کەشوهەوا و دیاردەی بەبیابانبوون و کەمی ئاو بوونەتە سێکوچکەیەکی مەترسیدار کە مرۆڤایەتی سەرجەم دامەزراوە نێودەوڵەتییەکان و دەوڵەتانی خستووەتە دۆخی ئامادە باشییەوە.

پارێزگاری بانکی ناوەندی عێراق ئەوەشی خستووەتەڕوو، بۆ رووبەڕووبوونەوەی گۆڕانی کەشوهەوا و دیاردەی بە بیابانبوون بڕی ١٧ ترلیۆن دینار وەک دەستپێشخەرییەک لەلایەن بانکی ناوەندییەوە تەرخانکراوە.

دەشڵێت، بڕی یەک ترلیۆن دیناریش بۆبەرهەمهێنانی کارەبا تەرخانکراوە.













گەلەری